dukh kī lahar ne chheḌā hogā
yaad ne kañkar pheñkā hogā
aaj to merā dil kahtā hai
tū is vaqt akelā hogā
mere chūme hue hāthoñ se
auroñ ko ḳhat likhtā hogā
bhiig chalīñ ab raat kī palkeñ
tū ab thak kar soyā hogā
rail kī gahrī siiTī sun kar
raat kā jañgal gūñjā hogā
shahr ke ḳhālī station par
koī musāfir utrā hogā
āñgan meñ phir chiḌiyāñ bolīñ
tū ab so kar uTThā hogā
yādoñ kī jaltī shabnam se
phuul sā mukhḌā dhoyā hogā
motī jaisī shakl banā kar
ā.īne ko taktā hogā
shaam huī ab tū bhī shāyad
apne ghar ko lauTā hogā
niilī dhuñdlī ḳhāmoshī meñ
tāroñ kī dhun suntā hogā
merā sāthī shaam kā taarā
tujh se aañkh milātā hogā
shaam ke chalte haath ne tujh ko
merā salām to bhejā hogā
pyāsī kurlātī kūñjoñ ne
merā dukh to sunāyā hogā
maiñ to aaj bahut royā huuñ
tū bhī shāyad royā hogā
'nāsir' terā miit purānā
tujh ko yaad to aatā hogā
Nasir Kazmi/ Ghulam Ali
ദു:ഖത്തിൻ്റെ അലകൾ ഉലച്ചു കാണും
ഓർമ്മകൾ കല്ലെടുത്തെറിഞ്ഞതാവും
ഇന്നെൻ്റെ ഹൃദയം പറയുന്നു:
നീ ഇപ്പോൾ ഒറ്റക്കായിരിക്കും
ഞാൻ ചുംബിച്ച കരങ്ങളാൽ
മറ്റുള്ളവർക്ക് കത്തെഴുതുകയായിരിക്കും
രാത്രിയുടെ കൺപീലികൾ നനഞ്ഞിരിക്കുന്നുവല്ലോ
നീ ഇപ്പോൾ ഉറങ്ങിക്കാണും
തീവണ്ടിയുടെ നീണ്ട വിസിൽ കേട്ട്
രാവനം മാറ്റൊലിക്കൊണ്ടു കാണും
നഗരത്തിലെ ഒഴിഞ്ഞ സ്റ്റേഷനിൽ
ഏതോ യാത്രക്കാരൻ ഇറങ്ങിക്കാണും
മുറ്റത്ത് വീണ്ടും കിളികൾ ചിലച്ചു
നീ ഉറങ്ങി എണീറ്റു കാണും
ഓർമ്മയുടെ കത്തുന്ന മഞ്ഞുതുള്ളികളാൽ
പൂപോലുള്ള മുഖം കഴുകിക്കാണും
മുഖം മുത്തു പോലെയാക്കിക്കൊണ്ട് കണ്ണാടിയെ മിഴിച്ച് നോക്കിക്കാണും
സന്ധ്യയായല്ലോ, ഇപ്പോൾ നീയും
വീട്ടിലേക്ക് മടങ്ങിക്കാണും
നീലിച്ച, മങ്ങിയ നിശ്ശബ്ദതയിൽ
നക്ഷത്രങ്ങളുടെ സംഗീതം കേൾക്കുന്നുണ്ടാകും
എൻ്റെ സുഹൃത്തായ സാന്ധ്യതാരകം
നിൻ്റെ കണ്ണിലേക്ക് ഉറ്റുനോക്കുന്നുണ്ടാകും
സായാഹ്നത്തിൻ്റെ വീശുന്ന കൈ, നിനക്ക്
എൻ്റെ അഭിവാദ്യം അയച്ചിട്ടുണ്ടാകും
ദാഹാർത്തരായ കൊക്കുകൾ
എൻ്റെ ദു:ഖം കേൾപ്പിച്ചു കാണും
ഞാനിന്ന് ഒരുപാട് കരഞ്ഞു
നീയും ചിലപ്പോൾ കരഞ്ഞു കാണും
'നാസിർ' നിന്റെ പഴയ സുഹൃത്തുക്കളെ
നിനക്ക് ഓർമ്മ വരുന്നുണ്ടാവും
പരിഭാഷ: ഡോ. ഷാജി ആലുങ്ങൽ
