ഖമർ ജലാൽവിയുടെ പ്രശസ്തമായ കലാം. ഗസലിൻ്റെ മുഴുവൻ നിയമങ്ങളും പാലിക്കുന്നില്ലെന്നേയുള്ളൂ, മനോഹരമായ വരികളാണ്. മുന്നി ബേഗത്തിൻ്റെ ആലാപനമാണ് ചെറുപ്പത്തിലേ കേട്ടിട്ടുള്ളതും ഇഷ്ടപ്പെട്ടതും. ഗുലാം അലിയും പാടിയിട്ടുണ്ട്. ഒരുപാട് പ്രശസ്തർ ഇത് ഖവ്വാലിയായി പാടിയിട്ടുണ്ട് - സബ്രി ബ്രദേഴ്സ്, ഫരീദ് അയാസ്, അസീസ് മിയാൻ.......
marīz-e-mohabbat unhīñ kā fasāna sunātā rahā dam nikalte nikalte
magar zikr shām-e-alam kā jab aayā charāġh-e-sahar bujh gayā jalte jalte
unheñ ḳhat meñ likkhā thā dil muztarib hai javāb un kā aayā mohabbat na karte
tumheñ dil lagāne ko kis ne kahā thā bahal jā.egā dil bahalte bahalte
mujhe apne dil kī to parvā nahīñ hai magar Dar rahā huuñ ki bachpan kī zid hai
kahīñ pā-e-nāzuk meñ moch aa na jaa.e dil-e-saḳht-jāñ ko masalte masalte
bhalā koī vā'da-ḳhilāfī kī had hai hisāb apne dil meñ lagā kar to socho
qayāmat kā din aa gayā rafta rafta mulāqāt kā din badalte badalte
irāda thā tark-e-mohabbat kā lekin fareb-e-tabassum meñ phir aa ga.e ham
abhī khā ke Thokar sañbhalne na paa.e ki phir khaa.ī Thokar sañbhalte sañbhalte
bas ab sabr kar rahrav-e-rāh-e-ulfat ki tere muqaddar meñ manzil nahīñ hai
udhar sāmne sar pe shaam aa rahī hai idhar thak ga.e paañv bhī chalte chalte
vo mehmān mere hue bhī to kab tak huī sham' gul aur na Duube sitāre
'qamar' is qadar un ko jaldī thī ghar kī ki ghar chal diye chāñdnī Dhalte Dhalte
Qamar Jalalvi/ Munni Begum, Ghulam Ali, Sabri Brothers, Fareed Ayaz & Abu Muhammed Qawwal, Aziz Mian Qawwal.....
പ്രണയം ബാധിച്ചവൻ സ്വന്തം കഥ പറഞ്ഞുകൊണ്ടിരുന്നു, അവസാന ശ്വാസത്തിലും.
പക്ഷേ, ആ സങ്കടസന്ധ്യയെക്കുറിച്ച് കേട്ടപ്പോൾ, കത്തിക്കൊണ്ടിരുന്ന വിളക്കണഞ്ഞുപോയി!
അവൾക്ക് കത്തെഴുതിയിരുന്നു, 'ഹൃദയം അസ്വസ്ഥമാണ്', മറുപടി വന്നു: പ്രണയിക്കാതിരിക്കൂ!
നിന്നോടാരു പറഞ്ഞു പ്രണയിക്കാൻ, ഹൃദയമല്ലേ അത് സ്വയം സമാധാനിച്ചോളും!
എനിക്ക് സ്വന്തം ഹൃദയത്തെപ്പറ്റി ചിന്തയില്ല, പക്ഷേ പേടിയുണ്ട്, കുട്ടികളുടെ വാശിയല്ലേ!
ആ ലോലപാദങ്ങളിൽ പരിക്കുപറ്റിയെങ്കിലോ, പരുക്കനായ ഈ ഹൃദയം ചവിട്ടിയരക്കുമ്പോൾ!
നിൻ്റെ വാഗ്ദാനലംഘനങ്ങൾക്കൊരറുതിയില്ലേ, ഒന്നു കണക്കുകൂട്ടി നോക്കൂ!
ലോകാവസാനമിതാ മെല്ലെ മെല്ലെ അടുക്കുന്നു, നമ്മുടെ സമാഗമം നീട്ടിവെക്കപ്പെട്ടുകൊണ്ടിരിക്കുന്നു!
പ്രണയം ഉപേക്ഷിക്കാനായിരുന്നു തീരുമാനം, പക്ഷേ പുഞ്ചിരിയുടെ വഞ്ചനയിൽ വീണ്ടും വീണുപോയി ഞാൻ!
ഒന്നു വീണതിൽ നിന്നുതന്നെ എഴുന്നേൽക്കാനായില്ല, എഴുന്നേൽക്കവേ വീണ്ടും അടിയേറ്റു!
ഇനിയൊന്ന് ക്ഷമിക്കൂ, പ്രണയവഴിയിലെ യാത്രക്കാരാ, അഭയം നിനക്ക് വിധിച്ചിട്ടില്ല!
സന്ധ്യയതാ വന്ന് മൂടുന്നു, പാദങ്ങളാണെങ്കിൽ നടന്ന് ക്ഷീണിച്ചിരിക്കുന്നു!
ആകെയെത്ര നേരമാണ് അവളെൻ്റെ അരികത്തിരുന്നത്, വിളക്കണയാൻ കാത്തതില്ല, നക്ഷത്രങ്ങൾ അസ്തമിക്കാനും!
'ഖമർ' അവൾക്കത്രക്ക് ധൃതിയായിരുന്നു വീടണയാൻ, നിലാവസ്തമിക്കവേ അവൾ പോയി!
മേഘമൽഹാർ എന്ന സിനിമ കണ്ടവർക്ക് ഓർമയുണ്ടാവും നായികാനായകർ ജിതേഷ് സുന്ദരത്തിൻ്റെ ഗസൽ പരിപാടി കാണുന്ന രംഗം. അതിൽ പാടുന്ന അനൂപ് ജലോട്ടയുടെ പ്രശസ്തമായ ഗസലാണിത്. മലയാളിയായ ജിതേഷ് ജലോട്ടയുടെ ശിഷ്യനാണ്. ആലാപനരീതിയിൽ ഏറെ സാമ്യതയുണ്ട്!
