ye mo.ajiza bhī mohabbat kabhī dikhā.e mujhe
ki sañg tujh pe gire aur zaḳhm aa.e mujhe
maiñ apne paañv tale rauñdtā huuñ saa.e ko
badan mirā hī sahī dopahar na bhaa.e mujhe
ba-rañg-e-ūd milegī use mirī ḳhushbū
vo jab bhī chāhe baḌe shauq se jalā.e mujhe
maiñ ghar se terī tamannā pahan ke jab niklūñ
barahna shahr meñ koī nazar na aa.e mujhe
vahī to sab se ziyāda hai nukta-chīñ merā
jo muskurā ke hamesha gale lagā.e mujhe
maiñ apne dil se nikālūñ ḳhayāl kis kis kā
jo tū nahīñ to koī aur yaad aa.e mujhe
zamāna dard ke sahrā tak aaj le aayā
guzār kar tirī zulfoñ ke saa.e saa.e mujhe
vo merā dost hai saare jahāñ ko hai ma.alūm
daġhā kare vo kisī se to sharm aa.e mujhe
vo mehrbāñ hai to iqrār kyuuñ nahīñ kartā
vo bad-gumāñ hai to sau baar āzmā.e mujhe
maiñ apnī zaat meñ nīlām ho rahā huuñ 'qatīl'
ġham-e-hayāt se kah do ḳharīd laa.e mujhe
Qateel Shifai/ Mehdi Hassan, Jagjith Singh
പ്രണയം അങ്ങനെയൊരദ്ഭുതം കൂടി കാണിച്ചുതരാറുണ്ട്:
കല്ല് വീഴുന്നത് നിൻ്റെ മേൽ, മുറിവേൽക്കുന്നതെനിക്കും!
ഞാൻ സ്വന്തം നിഴലിനെ തന്നെ ചവിട്ടിയരയക്കുന്നു
ദേഹം എൻ്റേതു തന്നെയെങ്കിലും ഈ ഉച്ചനേരത്തിന് എന്നെ കണ്ടുകൂടാ!
ഊദിൽ നിന്നെന്നപോലെ കിട്ടുമല്ലോ അവൾക്കെൻ്റെ സുഗന്ധം,
എപ്പോൾ വേണമെങ്കിലും സന്തോഷത്തോടെ എരിയ്ക്കാമവൾക്കെന്നെ!
നിന്നെക്കാണാനുള്ള മോഹമണിഞ്ഞ് ഞാൻ വീട്ടിൽ നിന്നിറങ്ങുമ്പോഴെല്ലാം,
അനാവൃതമായ ഈ നഗരത്തിൽ വേറൊരാളെയും എനിക്ക് കാണാനാവുന്നില്ല!
എൻ്റെ ഏറ്റവും വലിയ വിമർശക അവൾ തന്നെയാണ്,
എപ്പോഴും ചിരിച്ചുകൊണ്ടെന്നെ ചേർത്തുപിടിക്കുന്നവൾ!
എൻ്റെ ഹൃദയത്തിൽ നിന്ന് ആരുടെയെല്ലാം ഓർമ്മകൾ എടുത്തുകളയും ഞാൻ,
നീയല്ലെങ്കിൽ മറ്റാരെങ്കിലും എനിക്ക് ഓർമ വന്നുകൊണ്ടിരിക്കുന്നു!
കാലം ഇന്നെന്നെ വേദനയുടെ മരുഭൂമിയിൽ കൊണ്ടുനിർത്തി,
നിൻ്റെ കാർകൂന്തലിൻ്റെ തണലിലൂടെ എന്നെ നടത്തിയ ശേഷം!
അവളെൻ്റെ സുഹൃത്താണെന്ന് ലോകത്തിന് മുഴുവനറിയാം,
അവളാരെയെങ്കിലും ചതിച്ചാൽ, അതിൻ്റെ നാണക്കേടെനിക്കാണ്!
അവൾ ദയാലുവെങ്കിൽ പ്രണയം വെളിപ്പെടുത്താത്തതെന്ത്?
അവൾക്ക് സംശയമുണ്ടെങ്കിൽ എത്രവേണമെങ്കിലും എന്നെ പരീക്ഷിച്ചോട്ടെ!
സ്വന്തക്കാർക്കിടയിൽ തന്നെ ലേലം വിളിക്കപ്പെടുകയാണ് ഞാൻ 'ഖതീൽ'
ജീവിതദുഃഖങ്ങളോടു പറയൂ, എന്നെ വാങ്ങിച്ചെടുക്കാൻ!
പരിഭാഷ: ഷാജി ആലുങ്ങൽ
No comments:
Post a Comment